وا غربتاه!!!!

ربنا يرجعنا لبلدنا بالسلامة ونتلمتانى مع الاهل ............امين..
تخريمة (على راى عوض ومرضى) وينك انت مسجل حالة من عدم النشاط المعهود فيك

أبو رحاب، والخال المرضي وأبومحمد لكم التحية على المرور الجميل، وجزيتم خيراً على السؤال فعلاً كنت مشغول شديد في اليومين الفاتو، ويا مرضي الوليدات جوا بي جاي الاسبوع الفات كمان دا برضو سبب آخر لكم الود إن شاء الله نرجع لي بلدنا سالمين وكان في طريقة كمان غانمين...يارب العالمين...

أيها البدر ألف ألف حمد الله على سلامة الأولاد وتحياتي لهم
ونقول لأبو رحاب اخونا الناصرابي جاب ليك العذر خلاص سماح يا شيخ أحمد
ولكم جميعا تحيه الصحة والعافية
[ندعوك للتسجيل في المنتدى أو التعريف بنفسك لمعاينة هذا الرابط]

وهو عذر اى كلام .... دى حاجة مهمة جدااااااااااا وقبلنا العذر .. بس ما يقول مشغوليات من البداية يقول الوليدات جو .. وحنقبل العذر طوالى

ههههههههههاي والله يا أبورحاب، طبعاً الوليدات براهم ما عذر لكن والله في المكتب حكاية عجيبة خلاس مع إنو نحن في الصيف وكدا، والشغل عادة بكون قليل في هذا الفصل لكن المرة صيفنا عجيب، وشكراً ياااااااخال والما عندو خال الرماد كالو شكراً لكم مرة أخرى

تسلم ياود أختي
[ندعوك للتسجيل في المنتدى أو التعريف بنفسك لمعاينة هذا الرابط]

أبومحمد والله دا مولد وفاتك ياااااخي، تسلم يا حبيب وشكراً جزيلا

ود النجومي تحياتي، أين أنت يا رجل تسلم على المرور

السلام عليكم ورحمة الله تعالى وبركاته
تصورى للاغتراب ذى فكرة كاركاتيرك
لكن ناس احمد مجذوب شايفين فى الاغتراب فى فائدة
بدليل ليهم زمن طويل من البلد وعشان كدة انا غيرت راى
وعايزة اغترب شوفوا لينا عقد عمل يا ناس احمد مجذوب
وتحياتى لكل المغتربين

والله كان ده حال الأغتراب ربنا يكفينا شره ويرد غربة الأخوة الأعزاء واصبحت كلها أمراض ونسال الله العافية للجميع

قال احدهم وهويندب حظه في خطبة احداهن بعد ماضاق الويل من كلمة اصبر شوية مستعجل مالك فحينها قال:
الام تقول اصبر...
البت تقول اصبر....
يوم جا المغترب
ماقالوا ليهو اصبر...
تعبي التعبتو معاك
انشاء الله حسنة واجر...
طبعا الكلام دا عايز ادخض بيهو الصورة 3 حقت المغترب الباعوه بالقروش يعني رصيدكم يالمغتربين مابقدر بي ثمن حتي لو بقيت شغال...... المهم انت مغترب وكفاية ههههههههههه والله كلام

"هههههههههههههههههههههههههههههاي" والله يا خالد شكراً على التعقيب تعرف اقول حاجة غريبة جداً وحصلت بالجد في السعودية والإمارات المهم يحكي أن هناك ثلة من العزابة السوادنيون يعملون بجد وقد حضر إلى ديار الغربة صديقهم وقد هاجموه كيف أتيت قال لهم لقد بعت حافلتي الهايس لكي اشتري إقامة، وقالوا له سوياً أنت مجنون نحن لينا أربع سنوات نكد لكي نشتري حافلة ونسافر بلدنا أنت عملت العكس... شكراً مرة أخرى

شيخ الصادق، أولاً بارك الله فيك على المرور، وعلى الإضافة، وبالفعل الغربة أبعدتنا عن الأهل والأصدقاء والعكد الوطن الكبير وما أُحيلى قدلة العصر بين أزقتها العامرة، وذاك محُيي وآخر يتمنى لك دوام الصحة والعافية، وتلك أم تسلم عليك وتدعو لك وذاك شيخ يبتسم لك الحمد لله على نعمة العكد وشكراً على بيت الشعر الجميل، وتعال يا أبو خالد أنا لابد ليك بأغنية "بتتعلم من الأيام" تعال أرمي شِباك ذكرياتك، أنت وأحمد مجذوب والاستاذ مبارك خصوصاً وأنا كتبت سطر واحد عن الحلنقي لكي استخرج من مبارك الدرر جزيت خيراً

الا ستاذ احمد الشريفى والله الغربة دى مجرساك ساكت لكن الاولاد الشريفى بحبوا المال
شديد معليش اخونا الاستاذ (مبارك )
تعريجة اخوناعوض محمد احمد انت مواعدنى بشنو عامل نايم .

ود الخير شكرا على التعريجة الظريفة، ولا أظنك تنسى أيام لها إيقاع في الرياض عندما ذهبت إلى البر تلك المنطقة العجييبة وعلى ما اعتقد منطقة عوض جار النور لك الود والتحايا يعني انت الشفتو في الرياض ما بجرس واللا ما كدي، أنا غايتو أخدت جنس جرسة!!!

شكراً يا ود الخير، تعرف أتعس الأيام، دائماً ما تزيد الإنسان قوة وبالفعل، فكل واحد منا شق طريقه، وقد تجلد القلب فقد أتينا من هذه القرية الهانئة الحانية قلوبنا مملوء بالحنان والطيبة وكنا نتوقع أن الدنيا كلها عبارة عن عكد كبير، وقد فوجئنا بذلك وأصبح الآن نفرق بأن الدنيا بها أناس يستمتعون بعذاب الآخرين وهذا منطق في الأول لا يمكن أن يدخل عقولنا، والحمد لله على التجربة، ولعلي أعطيك فكرة على الرغم من مكثوي في الرياض بضعة أشهر إلا أنني كنت محظوظ حيث التقيت بأهلي وأصدقائي من العكد الذين احتوني وأكرموني وطوقوني كما هو حالهم وحتى اتصل بي أبناء العكد من الشرقية والغربية والجنوب فلهم مني عاطر الحب والتحية..