استاذ احمد& استاذ عوض (بعض الرحيق انا والبرتقالة انتم)

بتاوق وبطلع كلو فترة اخش واشوف المنتدي ..... وكل يوم وجوه جديدة حلوة
كنت انتظر نتيجة امتحان الشهادة بفارق الصبر واقول ( الله يكضب الشينة) الشينة ما بتندار والفشل طعمو مرر حنضل والسترة والفضيحة متباريات وكم كانت سعادتي عندما وصلتني اخبار بعض الذين احرزو نسب مشرفة للغاية وكم كانت خيبة املي انهم ينتمون لمدارس في عطبرة وليست مدارس العكد لكن برضو شي مشرف ... ثم تاوقت مرة اخري ووجدت خبرا حفز في نفسي انزيمات الكتابة مرة اخري وهو خبر تكريم المتفوقين فهو شي اكثر من رائع وسمعت تحت تحت انو في بعض الاصلاحات الجادة بدت في المدارس.
اليوم فقط اشمر عن قلمي ومبراتي مع خالص عشقي لكل سبورة في ايي فصل في ايي مدرسة عكادية

كترت المتاوقه بتخلى الناس يسألوا (ده منو البيتاوق) و يرجع تانى وفى المرة الجاية ما بكون فى سؤال بيكون فى (نهرة) يازول ما تخلى المتاوقة وتدخل و الله تفوت ...........
اهلا بيك و مرحب مرة و اتنين وثلاثة و لحدى ما تزهجى ...
جميل ان تكونى قد جهزتى قلمك وبرايتك .. المفروض فى الاصل يكونوا جاهزين .. لكن ها .. مستعجلين ليه كلها شوية و يتبرى القلم بس اخاف تقعدى تبرى فى القلم لحدى ما تظهر نتيجة الامتحان القادم 2012 و يكون قلمك لسه ما تبرا و اتكسرت عشرين قلم و انتى بتبرى لانك اتعودت على( المتاوقة) وبالتالى ما يحكون فى تركيز