خيالي وااااااااااااسع

يااهل الخير قولو لينا نتبرع كيف ومتين ووين ؟؟؟؟؟؟؟؟؟؟؟
الحفل اكيد حيكون في النادي
خلفية جميلة مكتوب فيها منتدي ابناء قرية العكد بالانترنت يكرم حملة شعلة العلم والمعرفة
تحت شعار بسواعدنا حنبني بلدنا
العكد العزيزة بلاك ما بندور لا عيشة مدن لاريف ولا عتمور
خيرك فاض علينا وحلحل المعسور خلانا في نعيم عايشن دوام وسرور
جمع غفير وكل كبار العكد قاعدين والمزيعة ذات الصوت الجميل تصدح وعيون دامعة فرحا ومتفوقين يرقصون طربا وراسبين يتحدثون سرا انهم العام القادم سوف يكرموااا مافي حد احسن من حد مصممين علي قهر الصعاب
حكمة اؤمن بها : الفاشلون لم يخططو للفشل ولكنهم فشلو في التخطيط
ماقلتو لي نتبرع وين وكيف ومتين ولمنو ؟؟؟؟؟؟؟؟؟

سلام لو متابعة معانا موجود بوست فيهو الطريقة وارقام التلفونات في العكد وخارج العكد للاتصال والتبرع

سؤاااااااااااااااااااااال متأخر جدااااااااااااااااااااااااا من عضوة قمة فى النشاط
تخريمة:
معقولة كنتى وين ؟؟؟؟؟؟؟؟؟؟؟ دا خبر سمعوه ناس (بلال) وبلال اللذين لا يعرفون هى مقابر العكد او احد مسمايتها

تريثي في الحديث ياعكادية كلامك ما يبقي متناقض بطريقة شكرتيهم وبطريقة تانية زميتيهم وما تزعلي

يا شيخ عوض جزاك الله خيرا .. انت نسيت انها اتعلمت على (المتاوقة) !!!!!!!!!!!!!!!

معليش علي كمية الغيظ السببتها ليكم حقكم علي بس والله فعلا كنت سرحانة .
بس موضوع التكريم دا جد عجبني لدرجة اللخبطة
وبعدين سرحت في الحفل وشكلو والنادي القديم (انا طبعا من زمن الاحتفالات في النادي القديم ) لاني المسرح دا ياما قدمت فيه نشاطات
ذكريات جميلة
وتاني بعتذر
هههههههههههههههههههههههههههههههههه
بس برضو مارديتو لي

ايه يا محمد د النجومى الكلمات المقتضبة و السريعة دى ... الحكاية شنو الجو حار والله شنو ...اتخيل على الوضع دا وعلى حسب خيال عكادية اتخيلك عرقك نازل مطر وانت ماشى فى الهجيرة ... (نقطة و قفله) ونقاطك كل واحدة فيها رأس لموضوع خطير وكبير

عكادية لك الشكر وذي ما قلتي خيالي واسع ويا جماعة الزول الخيالوا واسع دا ما بيلوموه لأنوا بيفكر بطريقة تختلف عن تفكيرنا فلك التحية فالمضمون متطابق مع العنوان ذي بتاع التاكسي الخيالوا واسع لمان جن ليهو بنات وقالن ليهو ما شين المستشفي : رد قال ليهن أمشن لكن ما تتأخرن .....
وأجمل ما في الموضوع عدتي بخيالي لأفكر من جديد في شكل الحفل لأنني بنيت تفكري وخيالي كلوا على النادي القديم ولم يخطر ببالي النادي الجديد إطلاقاً لأنني لم أتشرف برؤيته رغم ذهابي للعكد في إجازتي الأخيرة لكن لضيق فترة الإجازة لم أتمكن من دخوله فلك التحية في عودتي لتخيل الحفل من جديد على أروقة النادي الجديد....[b]

شكرا علي كل من عقب علي الموضوع
وزيادة في توسيع الخيال .. اذكركم بالاخ المرحوم بابكر محمد منصور (بكري ) وكيف كان فارسا مغوارا ممسكا بسيف المايكرفون يصول ويجول في سماوات الابداع وفي كل المناشط التي تهم المنطقة فكم اعطي واعطي واعطي دوما اذكره في كل ليلة ثقافية من ليالي العكد هو والاخ (جاد الله العمدة) فلله درهم ما بخلو علينا بشيئ .
اللهم ارحمة واغفر له واشمله بواسع رحمتك وتقبله مع الصديقين والشهداء.
علي فكرة عندما كنت في المرحلة الثانوية كانت هنالك فكرة عمل اسبوع ثقافي عبارة عن تنافس بين التكيبات وفعلا بدء النشاط والبروفات لكن فجاة الموضوع وقف ياتري هل من باعث للافكار الميتة مرة اخري ؟؟؟؟؟؟؟؟؟؟؟؟؟؟؟؟؟؟؟؟ ...