اشهر معالم فى العكد

شركة اسمنت عطبرة وغبارها بالعكد
شركة السلام للاسمنت بالعكد
شركة الشمال للاسمنت بالعكد
الفحم الحجرى ليمتد بالعكد
حوض الترسيب مياه لم يتم بالعكد
كوبرى ام الطيور العكد افتتاحه اليوم
اللجنة التلاتنية بالعكد ... اللجنة الشعبية.. لجنة المتسوصف ..الجعية الزراعية ..الجمعية التعاونية... التكيبات..لجنة المسجد
نادى العكد الرياضى ..روضة اطفال .. حوش عمر لتحفيظ القران... ولنا بقية بعد افتتاح الكوبرى وزيارة البشيرالى العكد ..
[ندعوك للتسجيل في المنتدى أو التعريف بنفسك لمعاينة هذه الصورة] وسلام ياريس

اخونا ود الخير مشكور لابراز معالم العكد ونرحب بالسيد ريئس الجمهوريه فى العكد
[b]مرحب بالبشير من كل زول عكادى
شرفت البلد بى صوتى عالى بنادى
يارمز الصمود الوارثو من اجدادى
يا اسد العرب وفيك الشهامه مبادى
...................................
مرحب يالبشير بزيارتو زارنا الخير
يافارس اللجج ياقائد التعمير
روحنا رخيصه ليك نهديها ليك يابشير
وان حمو للحديد مابتلقى تب تاخير
....................................
فرسان العكد سد ليك حصين ومنيع
لابخافو الدروع لابخافوا من ترويع
شرابين الفراسه من تبو كانو رضيع
تاريخم قبيل ابيض نظيف ونصيع
...................................
يتبع

يااااااااااااااااااااااا كروفل والله ابدعت عدييييييييييييييل كدة وعارف لو سمعها البشير بعد كم شهر كدي نسمع بي كروفل بقى والي ولاية كسلا . بس بعدين ما تنسانا يعني شوف لينا معاك وظيفة ان شاء الله سواق
مشكور حامد الخير ولك وافر شكري وتقديري

اضافة.........
المدرسة الثانوية بين طيش الولاية بالعكد
اكثر اناس ينجلدو فى الحفلات بالعكد
تفش العطالة والفساد المالى بالعكد
عربة التعاون ايراداتها غير معروف تمشى وين بالعكد

مشكور ياسعد لكن كسلا دى مابعيدة شوفولنا قريب شندى كدى
وصاحبك كرماخ دة مالو؟ خاشى تقيل كدى..؟؟؟؟؟؟؟؟؟؟؟؟؟؟؟
يازول!!

والله كرماخ دا محنا المحنة الواحدة يا كروفل يكون عارف حاجة بس ياريت يقول لينا خلينا نعرف كلنا عكادة والبلد تهمنا كلنا

مشرف عدد المساهمات : 577 تاريخ التسجيل : 27/02/2009

مشكور كروفل ودي مقتطفات من عمك خرساني
أخويا عمر البشير
أصالتك نابعه من فخذا
جذورو الضاربه سودانى
وفيك الحكمه مطبوعه
وحديثك ليو طعم تانى
محال أوصف جمال خلقك
عموما وصفك أعيانى
وكيف لمان يعزك زول
من العكد العظيمه واسمو خرسانى
مع تحياتي لجميع أهل العكد في هذا اليوم التاريخي الذي يفتتح فيه جسر المحبة والسلام (( العكد - أم الطيور )) فمبروك الافتتاح ودوماُ إلي الأمام....

والخالة حامد الخير بارك الله فيك ومتعك الله بالصحة والعافية
ود الخال كروووووووفل لك تحياتي بالجد أبداع وخليك مع كلام ود أخوي الهندسة وماتنسى ود عمتك يا كروووووووووووووفل ولو قطية ولو عشة منسية اي شي ما تنسي عمتك ووليدها
ابو معتز سملت يمناك وبارك الله فيك
وكيف لمان يعزك زول
من العكد العظيمه واسمو خرسانى
وتحياتي للجميع

تسلم ياود خرسانى كلمات جميله من استاذنا خرسانى ويستاهل البشير.

ود العمه مابننسكم بس خليكم قرييبن بس
ونشكر ود الخير لاقتحام موضوعو..

ود الخير بوركت 0000
بس ألومك واصححك هو كبري العكد 000 العكد 000 العكد 000 بعدين ام الطيور
يعني العكد ام الطيور فام الطيور لا تسبق العكد ابدا يا حامد وخليك حصيف 0000

بعدين شنو يا كروفل خاشي في الراجل بالعرض دي حكاية عجيبة يا جماعة الراجل دوبوا جاي عندكم تقوموا توزعوا حتى المناصب يا سعد ونحن ماعارفين 0000

نكرر كما سبق لا نريد زيارة وإفتتاح دون مكاسب على أرض الواقع 000 بل نرجوا ونتمنى أن لا يفوت اهلنا الفرصة التي جائتهم على طبق من الزمرد والياقوت عليهم أن يقطفوا الثمار قبل أن يقطفها غيرهم 0000

رائع يا ود الخير .. و الاروع الاخوان اللذين تباروا شعرا و نثرا ، وليد و حاج حمد (الذى اصبح مقلا) ، و بعدين عوض دا حكايتوا شنوا .. لازم من التصحيح .. البارح كان زعلان على الامم المتحدة و الليلة زعلان على الاسم .. بس يا ربى نحن حنستفيد من الكبرى شنو (غير الاسم) افيدنا يا ود النجومى ..زيارة البشير و المكاسب (المتوقعة ) ممكن !!
بس الكوبرى نفسه ؟؟؟

مشكورين كل الاخوة على هذا المرور الجميل ولكن ذى ما قال الاستاذ صالحنا شنو مع (الكوبرى.العكد ...ام الطيور)....لك العتبة حتى ترضى اخونا عوض......
[ندعوك للتسجيل في المنتدى أو التعريف بنفسك لمعاينة هذه الصورة]