أسبوع تمام

لقد غبت عن المنتدى اسبوع تمام على الرغم، ويبدو أنها إشكالية فنية في كلمة المرور، وقد اتصلت بالاخ ود الياس وقام بالواجب وأكثر من الواجب فله كل الثناء وجالت في خاطري هذه الأغنية وهي تمثل احساسي وأنا أرى موضوعات جميلة إلا أنني لم استطع أن ارد عليها لهذا الطارئ
اسبوع تمام انا والنجوم بنسال الليل الحزين
لو مر طيفكم ليه هو طال
نبكى زى زولا بيودع الزمن لريده شال
نسرد حكاوينا
ونصبر فى العيون ياريتنا نقدر نلقى حال
ما حالنا من بعدك عذاب
وفرحنا من بعدك محال
............
لو شفتى يا عكدي الحبيبة كيف نحن بنشيل كل الامل
نفرش طريقك بالورود
ولا مرة هان لينا الوصال
وفى عينى شوقك يا عظيمة
زى السحاب يناجينى ويتقاطر لى فال
ما انت البشارة فى عيد وانا البعيد
لما القمر حكى لى قال
قال لى انت بعيدة جنبه
وانا الهناك ببنى القصور من الرمال
واشتت الرمل الحزين
واسال الودع البيخدع يقول لياجايه
جايه جايه معاى وجودك استحال
واسال النخل البهاتى يقبل وجيه ومنى مال
انا اسال الله يجيبنى ليك ما خجل كتير من السؤال
انا اصلى ما بشتاق براى
بتشتاق معاى كل العواطف فى ابتهال
انا اصلى ما ريدتك براى
رادوك معاى ناس الغرب وطيبة الارض زرع الارض قبل الظلال

بسأل عليك نجم السحر كل نسمة طيب تفوح ممزوجة بعطرالزهر وأفتش عليك بين السحاب عز المطر راجيك تبين في قوس قزح وأنت أتاريك جوائ حنيين أبيات شعر

أخي الحبيب عوض بارك الله فيك، وجزيت خيراً على أنني أتيت على بالك وشكراً فانت بالجد ملح المنتدى وملح العكد

والله مشتاقين .... وسائلين عليك ومتابعين انقطاعك وعودتك مع الاخ/ ود الياس
بسأل عليك ....

وخلف أسوار الحياة

مشيت أدور عليك

وفى كل شىء جميل بلقاك

وألقانى فيك

خفت أتوه من غير عينيك

وخفت عليك

أنا بسأل عليك.......

لما السؤال بقى مستحيل

والله يا ود أختي لك وحشة ونرحب بعودتك وفي انتظار ابداعتك يا بدر
ولك مني ألف تحيه

في البداية نهنئ نفسنا بعودتك ايها البدر الكامل فقد كان لسان حالنا ينادي بأغنية العميد احمد المصطفى والتي يقول فيها:
جفيت مابنتا
ابيت مالنتا
همي ومنايا
وما لي غايه
غير شوفتك انت
ماتبين ياااااااإنت
ماتبين ياإنت

والحمد لله أهو بنت فهنيئاً لنا

الف حمد لله علي السلامة نورة المنتدي

الأخوان الأجلاء الصادق عباس، محمد النجومي الخال المرضي وود الياس وذاك خالد محمد الحسن والأخ عوض محمد أحمد وأخي الحبيب سراج الدين وعزيزي هيثم الفاضل وكل من سأل عني لكم عاطر التحايا وأنتم تغمروني بهذا الإحساس الدافيء الذي يأخذ نكهة العكد وإن شاء الله أقدم مع أخواني وأبنائي ما يفيد ويمتع عبر هذا المنبر الإلكتروني