مداخل للخروج

سألت نفسك في يوم من الايام انك يمكن تكون في حاله ضعف
سالت روحك يوم انك ممكن تكون في اضيق من مضيق
حصل مره خشيت حته وماقدرته تطلع
حصل مره اتسألته سؤال وماقدرته حتي تجاوب
بتعرف الالوان كويس
بتعرف حقيقه نفسك كويس
فتش في ذاتك عن ذاتك شوف حتلقي شنو !!!
الناس لما تكون في راي وانت في راي بترضي الدون من جانبك يكون مهزوم
اذا جاوبته علي الاسئله دي تكون انت في السيف صايد
واما اذا اترددته في الاجابه يبقي انت محتاج بالجد مدخل اول تشوف حقيقه نفسك
ومدخل تاني عشان تتعرف علي زاتك
ومحتاج لمخرج من اشتات افكارك وتقلبات احوالك
يعني انت محتاج لمداخل للخروج
وهاك الجرعه دي .
1- قدر ماتغرك نفسك بنفسك اياك تتمادي وتعمل نايم فتش جواك شوف العله شن بتكون ولو ماعرفتها اسكت من الداخل منك ومارق ليك ....
2- اذا شفته العالم والدنيا كلها ضدك اياك تستاء وتروح في دوامه ضعفك وقله حيلتك واعرف انو الدنيا مش ضدك بس الضد الجواك هو ضدالضدك وبس خلي الناس تفتش علي سرك وانت في سرك كون الناس والدنيا
3- لما تعرف انك وحدك عايش بين الوحده واللا شي
في وطن الفراغ والخواء وعدم الاحساس بالحياه والناس والحب والالفه
وجواك مدن من صراعات البقاء وعواصف من تغير الواقع وروح قتاليه لاثبات الذات
اياك فجاه تفتح ابواب جواك بل شيل وحده وحده من العندك وحاول غير بالعندك منك وفيك ولو ما قدرته ما تقول خلص ارتاح لا بل طلع تاني حبه من جوه الجواك وحاول كسر قيد الخوف ومنك وفيك حاول تاني
ولازم واكيد حتلقي المخرج من ضد الضدك وسجن المجهل جواك
وحتقدر تدخل عالم احساسك ومدن افكارك بدون ما تسأل واحد في

والله ياابو السعود لو في كلام اقول عشان اعبربيه عن استحساني لموضعك حا يكون ما اوفيته حقه علي الاقل من وجهة نظري

كلمات وعبارات جميلة تغوص داخل لنفس البشرية .. لتجد المخرج و كم منا قد تاه مع نفسه قبل ان يتوه مع الاخرين و الحل و المخرج بيده . اذا احسن النظر و دقق فى خفايا نفسه ، فقط لحظة مع النفس بهدوء ، فقط ثوانى (ولازم واكيد حتلقي المخرج من ضد الضدك وسجن المجهل جواك
وحتقدر تدخل عالم احساسك ومدن افكارك بدون ما تسأل واحد في)

شكرا الاخوة هيثم واحمد الشريفي على المرور وجزاكم الله خيرا