لماذا التكريم فقط..؟ مشاريع مقترحة مع التكريم

اولا التحية لكم جميعا..
والله حقيقة مما أنشئ المنتدى استبشرنا خيرا.. وانا شخصيا
أرى في المنتدى رابطة طلاب وخريجي العكد الغائبة تماما" وموضوع التكريم دا
ضربة البداية وحتكون موفقة باذن الله
لكن ياخوانا ليه تكريم معلمين وطلبة متفوقين بس ؟ رايكم شنو يكون في تخريج لخريجي هذا العام
والعام القبلو ... وياقسم السيد كم شهادة تقديرية مابتأثر علي الميزانية ويكون في زفة العصر وماضروري الروبات.

ثانيا: كورس تقوية لطلبة الشهادة السودانية في العيد وطبعا" الاساتذة موجودين في المنتدى والاساتذة الفي العاصمة
حيكونوا موجودين فترة العيد دا غير الاساتذة الفي العكد..
ثالثا: اجتماع عام للكل أعضاء المنتدى المتواجودن في فترة العيد اجتماع تعارفي فيو نقاش أو ممكن تكون رحلة لأي مكان الناس
تتفق عليو
على العموم دا راي شخصي وانا مستعد اشارك في المشاريع دي والعكد مليانة بالشباب النشطين لكن ماعندهم علاقة
بالنت والمنتدى

عمر عبد الرحيم ... رمضان كريم
كلامك جد طيب واعجبنى .. فيه روح ايجابية ..
لكن وليس نيابة عن ود الياس .. خليها حبة .. حبة
و فى القريب العاجل ستجد ما يسرك ان شاء الله

عمر عبد الرحيم ... رمضان كريم
كماتعرف اخونا كم ..من اقتراحات كتبت واراء.... لعمل معين ....
تكون الاجابة انشاء الله (اقتراحك جميل .. سنقوم بتنفيذه فيما بعد ...وعييييييييييييك).

مشرف عدد المساهمات : 396 تاريخ التسجيل : 31/03/2009

السلام عيكم ورحمة الله تعالى وبركاته
اولا نرحب بالاخ عمر عبد الرحيم
بانضمامة لعضوية المنتدى اراءك ومقترحاتك ممتازة وفى غاية الاهميه
لكن بالنسبة للشهادات التقديرية والميزانية على حسب علمى ما بتستحمل
اضافة جديدة واترك الاستفاضه فى هذا الموضوع لاخونا ود الياس وموضوع اجتماع الاعضاء
يكون فى ر حلة فكرة ممتازة وانا بقترح لاخونا عمر ان يتولى امرها وان ينضم الينا فى لجنة البرامج

لاحتفال التكريم لانى ارى فيك حماس باقامة المشاريع الثقافيه والاجتماعية وبارك الله فيك وجزاك الله حيرا

الباشمهندس عمر عبدالرحيم رمضان كريم ونرحب بك أجمل ترحيب رمضاني
وانا مع رأي الأخت أم نون التكريم خليه لناس الأدارة وفكرة الرحلة والتعارف جميلة جداٌ جداٌ
وحقوا تبدأ في أعداد برنامج الرحلة وتوكل على الله
ولك تحياتي

الاخ المهندس عمر عبد الرحيم رمضان كريم ومشكور على الاقتراحات النيرة وبارك الله فيك وسعدنا بمشاركتك اليوم

الاخ الباشمهندس عمر عبد الرحيم علي عمر
أولا رمضان كريم تصوموا وتفطروا على خير
ثانيا مرحبا بك بعد أن فعلت عضويتك 000 ودشنت قلمك 000مرحبا بك 00
ثالثا إقتراحاتك مقدرة جدا ونرجوا ان ترى النور جميعا وعليك مساعدة الإدارة لان الاعباء كثيرة عليها 000
رابعا الإقتراح بضرورة عمل شيء جماعي لعضوية المنتدى نرحب به حبذا لوكان رحلة ونفوضك للإعداد لتلك الرحلة والتجهيز لها فكما ذكرت معظم العضوية سوف تكون متواجدة بالعكد في العيد فهي فرصة ملائمة جدا 000 ياريت تكون بعد يوم واحد مباشرة من يوم التكريم يعني راحة لمدة يوم واحد بعد التكريم ثم تكون الرحلة رأيكم شنو يا جماعة 000

]بسم الله الرحمن الرحيم
فعلا اليوم يوم الكرامه والفرح وذلك بانضمام الاخ الباشمهندس عمر الى المنتدى وهو من الجيل الواعد لنا وله تجارب ثرة فى الحياة العلميه والعمليه والله نحن فرحانين بيك ياباشمهندس ووينك انت من زمان 000
يا جماعه ودالنجومى مافى 00 مافى زول يضبح الكرامه للراجل دا 00 فعلا قتراح جميل وفكرة جميلة عن هذه الرحلة ..........

السلام عليكم ورحمة الله
اشكر كل من رد على الموضوع وجزاكم الله خيرا
بالنسبة لموضوع الرحلة انا جاهز موية ونور بس شوفوا باقي الاعضاء رايهم شنو
شكرا يا أم نون ولك التحية سوف انضم الي لجنة التكريم وربنا يقدرنا جميعا علي
خدمة العكد

الباشمهندس عمر لك التحية والتقدير ومرحب بهذا الاقتراح الرائع
ونتمنى ان يتم تنزيله الي ارض الواقع باذن الله
ود الخير الباشا يحتاج كرامة لكن يوم التكريم وهو جاهز وواضح جاهز ..

» التكريم ** يد بيد نحو الغد
» اجتماع التكريم
» صور لاحتفال التكريم
» ملحق حفل التكريم :::
» التكريم *** بمنزل ابونون