أشهر نخلة فى العكد

بعد أنتهاء الفترة المسموح بها لغلوتية الأخ عوضفهناك سوال مهم حول الأشياء التى اندثرت بالعكد وبالجزيرة على وجه الخصوص السوال هو ( ماهى أشهر نخلة فى العكد وأين تقع يعنى فى أرض منو) طبعاً هى الآن غير موجودة كانت فى زمنا البنمشى فيهو النخل وكانت مشهورة للكل والعارف الأجابة لهو هدية قيمة .

و الله الاسئلة جميلة ... اعتقد انها نخلة عبد الواحد فى الرويس

الأخ عوض الأمتحان ورقة أدبى وآخرى علمى يمشن مع بعض انا ورقتى باقى ليها يومين وانت ورقتك مضى اكثر من نصف الزمن يااستاذ وحكاية النخلة الأجابة بعد انتهاء الزمن

انت عارف يايعقوب سؤالك دا شكلك طارحو على فئة معييييييييييينة كدا يعني من ناس الكم وتلاتين أما الزينا ديل لازم تديهم خيارات عشان الواحد يكون عندو امكانية التخمين وكدا ههههههههه أما العجايز ديل الينظّروا سااكت....
تخريمة
انت يايعقوب شفتها ولا سمعت بيها؟؟؟

الأخ خالد : انا حضرتها واكلت من بلحها وياعوض :ما تقعد تشطب فى ورقتك بنلغيها ليك والداير يشف منك مابقدر كل مرة جايب اجابة0 والنخلة دى وقعت بفعل الرياح حوالى خمسة عشر سنة تقريباً والخيارات ياخالد هى فى الداوراب طبعاً انت زول حراز انضنك الناصراب ناس حراز ساكت

والله يا يعقوب انا غايتو بتذكر طلعت نخلة من النخلات الكان مسؤول منها عمنا عمر ود عطية، وفجأة لمحت عمر ودعطية يركض من بين أشجار النخيل فذعرت وقذفت بنفسي من أعلى تلك النخلة وسقطت على الأرض وإذ بشوكة نخيل تخترق قدمي كان يوماً مأسوياً ولكن ذكرى لطيفة أما أقدم نخلة من غير تأكيد نخلة جدنا عبد الواحد رحمة الله عليه والله أعلم

دي نخلة ولاد عوض الله لأنو انحنت من الكبر وهذا دليل على كبر عمرها دا مجرد تخمين
ارجو ان تصحح بالخطوات يااستاذ يعقوب
انا واثق من الخطوة الاولى صاح (الانحناء) ادني نص الدرجة

بسم الله الرحمن الرحيم **اخي يعقوب سعيد بعد السلام ان اطول نخله هي توجد بارض المرحوم الشيخ العوض سالم وكانت بجوار حفر الكماين في الجرف وكان الوحيد الذي يقطعها هو المرحوم محمود سعيد لهم الرحمه ومن بعده اخيه عبدالله سعيد*ولك الشكر

أوافق الأخ صالح مع التصحيح هي أسمها (( الطيارة قامت )) لطولها الفارع وما كنا بنقدر نسقط من تمرها بالطوب وفي أرض جدنا عبد العاطي يرحمه الله .

بعد انتهاء الفترة المحددة لمسابقة أشهر نخلة فى العكد اليوم الساعة الثانية عشر ظهراً وبعد تفحص كل المشاركات
أولاً :لم يتحصل أحد على الأجابة بنسبة 100% 0
ثانياً :هناك اجابة واحدة قد جاوبت على الجزء المهم من السؤال ولربما لطول الفترة التى مضت على سقوط النخلة لم يتزكر الأخ الذى توصل لهذه الأجابة ماكنها وفى أرض من تقع :
ثالثاً : مبرووووووووك الأخ : صالح مجذوب الوحيد قبل الشفافين الذى توصل الى اجابة بها المعلومة الصحيحة رغم انهاء لم تكن بنسبة 100% ولكن هو الذى اجابة اجابة بها اهم جزء وهو ((الطيارة)) والنخلة المذكورة تقع على أرض جدنا محمود ود الريح القنينى جوار زريبة عبد الحليم عبد الرحيم (( حالياً)) وسميت بهذا الأسم لطولها الفارع ولايستطيع أحد الطلوع لها حسب علمى والله أعلم وانما كانت ترمى بالحجارة فتسقط اطيب الثمر ويعتقد انه طيارة مرت بجوارها لذا سميت بهذا الأسم 0
التحية لكل الذين شاركوا وهذه الأسئلة لتنشيط الذاكرة والرجوع بها الى مرة الصبا التى لاتنسى0
الأخ : صالح الأن اعتقد غير موجود بالعكد وسوف تسلم نصف الجائزة عند قدومك للعكد خلال هذا الأسبوع فقط وإلا ستفقد الجائزة0 والى القاء فى مسابقة اخرى ونرجو من الأخوة أعضاء المنتدى اجراء مثل هذه المسابقة حتى لاتندثر مثل هذه الأشياء ولكم الشكر والتقدير

مبروك الأخ صالح مجذوب ومرحباً بالأبن عبد الرحمن مشرف فى أى وقت لأستلام الجائزة ولابد أن يبرز التوكيل عن الأستلام وإلا سوف تكون الجائزة تقديراً للمشوار الذى قطعة من دكان بخيت يختارها بنفسه ومونوع اصحاب الأصدقاء عند الأستلام (حمولة فرد الجائزة)0

مبروك يا صالح وأقترح يا يعقوب تكون الجائزة رحلة بالطيارة التي مرت على النخلة ... ودا سؤال أخر من نوع الطيارة يا يعقوب التى مرت فوق النخلة ....

طيب يا شيخ يعقوب ويا شيخ صالح وكمان شيخ حاج حمد وكمان بقية الاعضاء الكرام
ورونا الصورة دي من على أرض من بالعكد والنخل داااااااك حق ناس منو ورينا شطارتك يا صالح

[ندعوك للتسجيل في المنتدى أو التعريف بنفسك لمعاينة هذا الرابط]

الصورة دي حقت مدخل خور كلتوم العجيمية جوار زريبة ناس عبد الغني من الناحية الغربية والنخل داااااااااااااااك حق ولاد عوض الله

أعتقد اجابة الاخ خالد محمد الحسن صحيحة 100% واوافقه على ذلك والجائزة له بس متكون ذى حقتى بها نماذج قبل الاستعمال ياعوض ان شاء الله تكون فسيلة من بلح المدينة سوف يصلنا حقنا بعد اثمارها حتى لو زرعت فى الجامع0